Activities

========================================================================================

صوبائی حکومت عوامی ایجنڈا، گڈ گورننس روڈ میپ

ڈپٹی کمشنر ایبٹ آباد سرمد سلیم اکرم منڈیاں علی پلازہ کے قریب ہونے والی آتشزدگی کے حوالے سے ضلعی افسران اور متاثرہ افراد سے اپنے دفتر میں ملاقات کر رہے ہیں۔

ملاقات کے دوران ڈپٹی کمشنر ایبٹ آباد سرمد سلیم اکرام نے آتشزدگی کے دوران جلنے والے گھروں، دکانوں کے مالکان سے دلی افسوس کا اظہار کیا اور واقعے کی تحقیقات کے حوالے سے ہدایات جاری کرتے ہوئے، واقعہ کے محرکات، وجوہات، چھان بین اور متاثرہ افراد کو ریلیف کی فراہمی کے حوالے سے اقدامات کی ہدایت کی۔ اس موقع پر ایڈیشنل ڈپٹی کمشنر ریلیف اینڈ ہیومن رائٹس ایبٹ آباد، ریسکیو ایمرجنسی آفیسر 1122 ایبٹ آباد، متاثرہ افراد موجود رہے۔

========================================================================================

Distaster_managment

========================================================================================

صوبائی حکومت عوامی ایجنڈا | گڈ گورننس روڈ میپ | اسلامی تعلیمات کی ترویج اور باصلاحیت طالبات کی حوصلہ افزائی

ڈپٹی کمشنر ایبٹ آباد سرمد سلیم اکرم نے جامع مسجد سمال انڈسٹری میں منعقدہ تقریب میں شرکت کی جہاں وفاق المدارس کے امتحانات میں ملک بھر میں دوسری پوزیشن حاصل کرنے والی طالبہ دختر مفتی عنایت الرحمن اور دلدار احمد ستی اسسٹنٹ سیکرٹری پریس کلب ایبٹ آباد دلدار احمد ستی کو انکی دختر کے لیےریڈیوپاکستان، پی ٹی وی اور وفاقی وزارتِ مذہبی امور کے اشتراک سے منعقدہ سالانہ قومی مقابلہ نعت خوانی میں ملک بھر میں پہلی پوزیشن حاصل کرنے پر شیلڈ پیش کی گئیں۔ اس موقع پر چیمبر آف کامرس اینڈ انڈسٹری کے رہنما حاجی افتخار خان،ڈسٹرکٹ خطیب مفتی حمید الرحمن قریشی،علامہ اقبال ٹاؤن ویلفیئر اینڈ ڈویلپمنٹ کونسل کے چیف آرگنائزر راجہ محمد بشیر کیانی سمیت علاقہ مکینوں کی بڑی تعداد نے شرکت کی۔ اس موقع پر مہمانِ خصوصی ڈپٹی کمشنر ایبٹ آباد کو بھی یادگاری شیلڈ پیش کی گئی۔ ڈپٹی کمشنر ایبٹ آباد نے پوزیشن ہولڈر بچیوں کے والدین کو مبارکباد دی اور دینی علوم کی ترویج میں طلبہ و طالبات کی رغبت، اساتذہ، مسجد و ممبر کی محنت کو سراہا اور اس سلسلے میں ضلعی انتظامیہ کی جانب سے مکمل تعاون کی یقین دہانی کرائی۔

Small_Industries

========================================================================================

یومِ سیاہ کشمیر

اکتوبر 27 یومِ سیاہ کشمیرکے موقع پر کشمیریوں سے اظہارِ یکجہتی کے لیے ڈویژنل ہیڈ کوارٹر میں ریلی کا انعقاد کیا گیا، جس میں کمشنر ہزارہ ڈویژن فیاض علی شاہ، ڈپٹی کمشنر ایبٹ آباد سرمد سلیم اکرم نے خصوصی شرکت کی۔ خطاب کے دوران کمشنر ہزارہ ڈویژن اور ڈپٹی کمشنر ایبٹ آباد نےکشمیریوں پر ہونے والے مظالم کی شدید مذمت کیااور ان کے حقِ خود ارادیت کی مکمل حمایت کا اعادہ کیا۔ انہوں نے کہا کہ ایک دن ضرور آئے گا جب کشمیر کے عوام بھارتی ظلم و جبر سے آزاد ہو کر آزادی کی فضاؤں میں سانس لیں گے۔ ریلی میں ضلعی افسران، ایڈیشنل ڈپٹی کمشنر، اسسٹنٹ کمشنر، ایجوکیشن آفیسرز، اساتذہ، طلبہ اور شہریوں نے شرکت کی۔ شرکاء نے بینرز اٹھا کر کشمیر کے حق میں اور بھارت کے ظلم و جبر کے خلاف آواز بلند کی۔

========================================================================================

70917693_2480376172028765_3489582811134820352_n